Rinlocosta será un cámping familiar situado nunha parcela de case 5.000 m2 propiedade da promotora, no Lugar da Lagoa, en plena ruta das praias e a 500 m do porto de Rinlo.

Ademais dunha zona de acampada disporá de 2 Móbil-Home totalmente equipados. Contará tamén con: unha zona de exposición onde se dará a coñecer a historia do pobo de Rinlo e a súa cultura mariñeira; piscina exterior salina, taberna típica mariñeira con terraza, na que se ofrecerá aos clientes menús diarios con produtos típicos da zona, dando a coñecer así a nosa riqueza gastronómica; tenda; lavandería; barbacoas; zona infantil; aluguer de bicicletas, etc.

En resumo, tratase de recrear unha “aldea típica mariñeira” en homenaxe ao pobo de Rinlo, na que a promotora xunto co seu marido, como socio colaborador, ofrecerán e organizarán actividades de turismo activo como por exemplo xornadas de pesca con cana dende a costa, festas gastronómicas para promocionar os produtos locais, rutas en colaboración cos percebeiros que terán ocasión de darlle máis visibilidade ao seu duro traballo, “cantos mariñeiros” e rutas en bicicleta.