O GALP A Mariña Ortegal pon fin ás súas xornadas de divulgación nos centros escolares
O programa realizouse en quince escolas de educación infantil en distintos concellos do territorio, desde Ribadeo ata Valdoviño.
Dentro da súa programación anual de dinamización o GALP A Mariña Ortegal acaba de finalizar unha iniciativa educativa e de carácter divulgativo coa que pretende fomentar o coñecemento sobre o sector do mar entre nenos de 3 a 5 anos á vez que potencia a súa curiosidade innata.
O programa realizouse en 15 escolas de educación infantil en distintos concellos do territorio, desde Ribadeo ata Valdoviño e achegou contido específico sobre o sector da pesca, especies comerciais, artes e aparellos e contaminación mariña a máis de 700 escolares, a través dunha metodoloxía práctica e de observación adaptada aos escolares e posta en marcha a través dun equipo de oceanógrafos con experiencia na execución de programas e actividades de divulgación científica sobre medio mariño.
Das temáticas que se ofrecían aos centros (1 Quen vive non noso mar?, 2 Imos á peixería!, 3 Lixos mariñas ou 4 Artes e aparellos de pesca) as máis escollidas foron as que versaban sobre a fauna da ría e os lixos mariños.