Implantarase un sistema de optimización da comercialización coa incorporación dun equipo de altas prestacións para a recepción, clasificación - por tamaños, pesos-  e envasado de produtos da pesca costeira, esencialmente "choco" así como etiquetado que contará con todos os datos identificativos para garantir a trazabilidade do produto.

Trátase dunha iniciativa de carácter innovador. Conseguirase un produto envasado en caixas individuais axeitadas para unha correcta conservación, cun etiquetado autocolante que impedirá calquera tipo de alteración antes da chegada de primeira venta en lonxa, evitándose demoras na selección das caixas actualmente presentadas cunha clasificación manual directa desde a captura que fai que ás veces se produzan tamén devolucións polas diferenzas de produto.

Coa implantación deste sistema, conseguirase de forma automática a clasificación mecanizada e automatizada, no marco dun proceso racional e continuo. 

Tamén se conseguirá un maior valor engadido para o produto que poderá chegar ata a súa expedición no mesmo envasado co que se adquire en lonxa, se fose necesario.