O proxecto de DISFRIOGA, S.L. céntrase na modernización integral dos sistemas de conservación, manipulación e xestión de produtos da pesca e acuicultura mediante a instalación dunha nova cámara frigorífica de alta eficiencia enerxética, deseñada con paneis de alto poder illante e sistemas avanzados de refrixeración e control. Ademais, complétase coa incorporación de vehículos isotermos de baixas emisións e equipos eléctricos de manutención, como apiladores e transpaletas, co obxectivo de optimizar os procesos internos, garantir a continuidade da cadea de frío e mellorar a trazabilidade e a seguridade alimentaria dos produtos.
Estas actuacións permitirán aumentar a calidade final dos produtos que chegan ao consumidor, mellorar a eficiencia enerxética e reducir o impacto ambiental da actividade, ao mesmo tempo que facilitan unha organización máis ordenada e segura, reducindo a carga física do persoal e mellorando as condicións de traballo. O proxecto contribúe tamén ao mantemento de emprego estable, ao reforzo da competitividade da empresa no mercado e ao fortalecemento do tecido produtivo local, xerando un efecto positivo sobre provedores e servizos  sociados.
O conxunto de investimentos pretende ademais servir como exemplo de boas prácticas no sector, promovendo a modernización, a sustentabilidade e a valorización dos produtos da pesca e acuicultura, en liña cos obxectivos da Estratexia de Desenvolvemento Local Participativo do GALP e cos principios do FEMPA.