Sorry, you need to enable JavaScript to visit this website.

O GALP Golfo Ártabro Sur participará en dous novos programas de cooperación

Trátase de proxectos impulsados en colaboración con outros GALP de Galicia relacionados coa divulgación científica e o patrimonio marítimo

O GALP Golfo Ártabro Sur xa está traballando na elaboración e presentación de dous novos proxectos de cooperación con outros GALP de Galicia para a promoción conxunta do territorio. Trátase de dúas iniciativas que estarán centradas na divulgación científica e na preservación e difusión da cultura marítima e mariñeira que levarán por título “Pesca (con)ciencia” e “Rema 2. Provomendo a cultura mariñeira no arco atlántico”. 

Unha vez aprobados, estes dous proxectos sumaranse aos catro nos que o GALP Golfo Ártabro Sur colabora en 2022: Relevo2 mocidade a bordo; Rimartes. Riquezas do mar, tesouros do profundo, Un mar en común e Bitácoras do Mar.