O proxecto “Mellora das condicións de traballo, seguridade e profesionalidade do sector” ten como finalidade
reforzar os medios materiais da Confraría de Pescadores da Coruña para mellorar a xestión, protección e
explotación sustentable dos recursos mariños, así como as condicións de traballo e seguridade do colectivo
profesional.
As actuacións previstas inclúen, en primeiro lugar, a adquisición dunha embarcación destinada ás labores de
vixilancia, xunto con equipamentos auxiliares como prismáticos e lanternas, co obxectivo de reforzar o control dos
bancos marisqueiros e intensificar a loita contra o furtivismo
n segundo lugar, o proxecto contempla a adquisición dunha embarcación equipada con grúa, destinada a apoiar
aos socios da confraría nas labores de mantemento, mellora e recuperación dos bancos marisqueiros, incluíndo
tarefas de limpeza de residuos, acondicionamento do substrato e apoio loxístico aos traballos colectivos.
O proxecto inclúe tamén a adquisición dun compresor, destinado aos traballadores da confraría que realizan
labores de mergullo tanto para a extracción de mostras de recursos específicos, como ourizo, algas, solénidos e
anémonas, como para a execución de traballos de mantemento e rexeneración dos bancos marisqueiros que
requiren intervención subacuática. Este equipamento permitirá mellorar de maneira significativa as condicións de
seguridade, autonomía e eficiencia destas actividades.
Así mesmo, prevese a adquisición dun motor fóra borda para a embarcación empregada no traslado de
mariscadoras e mariscadores aos bancos de traballo. A instalación dun motor máis moderno e eficiente permitirá
mellorar a seguridade na navegación, reducir o risco de avarías, optimizar os tempos de desprazamento e diminuír
o consumo de combustible e as emisións contaminantes.
O proxecto inclúe tamén a compra de máquinas cribadoras de marisco para a lonxa, co fin de mellorar o proceso
de clasificación do produto, garantir o cumprimento da normativa de tamaños mínimos, incrementar a calidade
do marisco comercializado e reducir a manipulación manual. Esta medida favorecerá a conservación dos recursos
e mellorará as condicións de traballo, a seguridade laboral e a eficiencia da actividade. e un vehículo para a
Confraría de pescadores.
Este proxecto contribué a mellora do sector e a nosa EDLP.