Ampliar o proxecto da Aula do Freixo como espazo referente do traballo colaborativo entre entidades do sector pesqueiro, colectivos de inclusión social e entidades do territorio na posta en valor da Costa Sostible, dos seus recursos naturais e no deseño de iniciativa innovadoras vinculadas coa economía circular. Ampliación da cuberta e gañando un espazo que permita o traballo nunha zona protexida das inclemencias do tempo, o que asegure unhas mellores condicións espaciais para as actividades de limpeza e clasificación de plásticos e produción de pezas. Ademais preténdense dotar ás instalacións dunha caldeira de auga quente e lavadoras, facilitando o lavado de plásticos. Unha instalación que contará con subministro de enerxía limpa, procedente do sol, coa instalación de paneis na cuberta do edificio, o que ademais de contribuír ao uso de enerxías renovables, e racionalización do consumo, dotaría a edificación de maior coherencia co proxecto sostible de aproveitamento e transformación de plásticos.
Ademais o proxecto ten grandes posibilidades en transformarse nunha iniciativa viable de emprego para as persoas con capacidades diversas e que quedan excluídas do mercado de traballo. A Aula do Freixo, nese sentido, quere centrar parte das actividades en asentar un proxecto viable e que perdure no tempo.
O proxecto continúa coa vocación de ser un espazo para a sensibilización ambiental e a protección da nosas costa ao deseñar diferentes iniciativas de coidado e limpeza de areais. Neste sentido recóllense actividades dirixidas a establecer unha rede de traballo colaborativo cos colectivos ambientais e sociais do territorio dando a coñecer o proxecto e deseñando accións conxuntas que poidan beneficiar ao traballo desenvolto desde os diferentes axentes.
Ademais seguimos poñendo en valor o traballo das mulleres do mar ao ser o colectivo unha parte activa dentro do proxecto, tanto nas accións de divulgación da actividade marisqueira como nas accións de contacto co sector pesqueiro do territorio para dar a coñecer o proxecto e as pezas que se deseñen. A participación das mulleres do mar dentro das actividades deseñadas permiten visibilizar ao colectivo como axente dinamizador e adquirir os coñecementos e habilidades necesarias para a súa diversificación profesional.
Non
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)