Quimera - Espazo Ecolóxico | Grupos de Acción Costeira

Principais obxectivos do proxecto:

Crear conciencia da sostibilidade no mundo no que vivimos (terra-mar) e a influencia nel das persoas.
Creación dunha nova liña de turismo desestacionalizado e moito máis inmerso coa idiosincrasia da Ría de Pontevedra, así como chegar o patrimonio que supón a nosa Ría e os nosos cultivos aos que xa habitan preto deles.
Crear emprego local de calidade, desestacionalizado e cun percorrido a futuro con formación en temas emerxentes e de importancia.

Resultados concretos previstos coa implementación do proxecto:

Concienciación local e ao turismo da importancia do noso mar e sostibilidade.
Concienciación dos efectos da nosa contorna sobre o benestar corpo-mente.
Posta en valor do producto de proximidade (da terra e do mar).
Turismo inmersivo e experiencial na idiosincrasia das rías galegas e desestacionalizado.
Emprego local de calidade indefinido.
Autoemprego.
Colaboración entre axentes involucrados na folosofía do proxecto en vez de tanto individualismo percibido na actualidade.
Sentido de compromiso en novos comportamentos de todos aqueles que participen.

Principais actividades do proxecto:

Gastronomía: xirará en torno a materia prima das rias galegas e da horta ecolóxica. A posta en valor do produto, da cercanía, do seu método de cultivo e de extración. Fárase tamén unha vinculación coas D.O. dos viños e productos da terra galegos.
Alimentos como medicamentos: será en formato almorzo terapéutico onde se farán cornadas de formación teórico-práctica sobre os principios dos alimentos sobre o corpo humano.
Sesión de yoga-meditación ao carón do mar e o efecto que este ten sobre o corpo en movemento e mente.
Talleres formativos con recursos do mar e da horta cercana, ampliar os coñecementos sobre técnicas postas en valor e aproveitamento dos recursos do mar e a terra que o rodea.
Xornadas dinámicas específicas de divulgación e concienciación medioambiental terra e mar. Actividades de descontaminación, formación en aproveitamento de residuos, uso da auga...estas faránse en colaboración con axentes do mar, e ao mesmo tempo dirixido a todos eles, así como ao resto do público en xeral.
Terapias holísticas de sanación: utilización de materiais que nos brinda a natureza como elementos sanadores. Pedras enerxéticas, madeiras, auga do mar...
De maneira organizada e unificando tódalas anteriores actividades, faránse retiros de varios días para turismo e cidadáns locais, así como programas formativos e de concienciación prolongados no tempo dividindo por temas e profundidade nos mesmos.

Formulario de búsqueda