Adquisición de material esencial para o adestramento e a competición: 12 ergómetros para remo indoor, 4 encoders para análise de forza, embarcacións de remo de mar (2 skiff, 1 doble e 1 catro), remos específicos, carros de transporte e caballetes plegables, 4 speedcoach, un dron, unha cámara deportiva e dispositivos de cronometraxe,  un depósito de recollida de auga de choiva, bidóns e botellas reutilizables, así como un panel solar fotovoltaico portátil para cargar dispositivos electrónicos con enerxía renovable.O proxecto incorpora tamén material de accesibilidade, como cartelería en braille e unha pechadura electrónica.

O laboratorio de tecnificación dixital permitirá analizar a técnica con dron e cámaras desde terra e embarcación, realizar seguimento en tempo real con speedcoach e rexistrar adestramentos en ergómetros. 

Creación dn arquivo audiovisual que servirá tanto para mellorar a aprendizaxe como para conservar memoria deportiva e cultural.

O programa PRIMEIRA REMADA, dirixido a escolares da contorna, que combina visitas ao club, obradoiros de remo indoor nos centros educativos e actividades ambientais na enseada de Meira. 

O programa MULLERES AO MAR ofrece dous meses de clases gratuítas, grupos femininos e mixtos, mentoría interxeracional e campañas de visibilización, reforzando a igualdade e a participación feminina. 

A mesa redonda “O REMO QUE NOS UNE” reunirá deportistas veteráns e categorías base para debater sobre tradición, evolución e futuro do remo, xerando contido audiovisual para arquivo de memoria oral.

Regata de Traiñeiriñas en maio, fóra da tempada estival, contribuíndo á desestacionalización económica. 

Regata/Exhibición de Remo Costeiro da Ría de Vigo, en outono, aberta a deportistas federados de toda España. 

Actividades medioambientais que darán a coñecer as condicións do ecosistema mariño e os efectos das modificacións producidas pola acción do home, o cambio climático e a contaminación para que os asistentes tomen conciencia da necesidade de reducir as emisións de CO2 e optar por un modelo mais sustentable.