O proxecto promovido pola Confraría de Pescadores de Sada ten como finalidade a mellora da eficiencia enerxética, a dixitalización, a innovación e a visibilidade do sector pesqueiro, con especial enfoque na pesca costeira artesanal. A actuación inclúe a instalación dun sistema de analizador de consumos en tempo real nos motores do viveiro, cámara frigorífica e fábrica de xeo, que permitirá optimizar o uso da enerxía e garantir a conservación do produto.

Complementarase coa instalación dunha batería de condensadores para mellorar o rendemento dos equipos e reducir a enerxía reactiva, así como con sistemas de monitorización dixital que centralicen a xestión dos recursos e melloren a seguridade alimentaria. Establecerase tamén un punto de venda dixital na lonxa de Sada, dotado de equipamento tecnolóxico, para facilitar a comercialización do peixe de proximidade, reducindo custos e desprazamentos.

O proxecto inclúe ademais actividades de divulgación como xornadas de portas abertas, rutas guiadas e campañas nas redes sociais para poñer en valor o sector pesqueiro, a súa historia, o papel das mulleres e a importancia do relevo xeracional.