Mellora do equipamento coa adquisición dunha embarcación adaptada e accesible con dous motores, un deles auxiliar eléctrico para realizar un menor impacto ambiental ao navegar por espazos protexidos co seu correspondente equipo de seguridade.

Favorecer a inclusión social das persoas con discapacidade, fortalecer a súa autoestima, potenciar as súas capacidades tanto sociais como fisiolóxicas e hábitos mais saudables.

Mellora da seguridade nun mesmo, xa que o feito de ir superando retos anteriores, fai que se sintan capaces de afrontar outros de maior dificultade.

O desenvolvemento do proxecto inclúe:

FORMACIÓN

Formación a  persoas con discapacidade no manexo de embarcacións tanta a vela como a motor.

Formación a voluntarios e colaboradores no manexo e coidado de persoas con discapacidade. Formación e información sobre o coñecemento do entorno mariño, historia  e a súa conservación.

LECER NÁUTICO

Celebración de Xornadas Náuticas Inclusivas en varios puntos da Ría de Muros-Noia, con actividades encamiñadas a fomentar o disfrute do entorno mariño, Visitas organizadas a museos, explicacións sobre as zonas de produción marisqueiras,(Nomes dos bancos e lugares etc.)  adaptando as mesmas para que sexan accesibles a todos.

DEPORTES NÁUTICOS

Facilitarlle ás persoas con discapacidade a participación coas embarcación do club en actividades náutico-deportivas (Motonáutica, vela adaptada e pesca), todos eles de carácter inclusivo).

CONSERVACIÓN COLABORACIÓN E CONCIENCIACIÓN

Participación de forma activa na concienciación sobre a importancia da limpeza e conservación do entorno e patrimonio mariño, colaborando con outras entidades tanto en labores de limpeza como de divulgación.

INCLUSIÓN

Todas as actividades que realiza o club ADECO-DEA son de carácter inclusivo, fomentamos que na participación das persoas con discapacidade cos seus amigos e familiares, sexa a persoa con discapacidade a mais activa e promotora da actividade.