Baixo a premisa de que non se pode conservar o que non se coñece, proponse a realización de charlas informativas sobre o medio mariño, seguidas de saídas de campo prácticas. Estas charlas e saídas de campo estás deseñadas para educar e concienciar a diferentes audiencias sobre a importancia dos ecosistemas mariños, a súa biodiversidade, conservación e os impactos humanos neles. As charlas terán unha duración de 90 minutos e centraranse en temas como a vida mariña, a importancia dos océanos para o clima e a biodiversidade, as especies que podemos atopar nos nosos mares máis próximos, a contaminación mariña, a pesca sostible e a conservación de especies en perigo de extinción. As saídas de campo prácticas, de 2 horas de duración, permitirán aos participantes ter unha experiencia directa co medio mariño, observar a vida mariña na súa contorna natural, comprender os conceptos discutidos nas charlas e aprender sobre prácticas de conservación e manexo sostible dos recursos mariños.