O Concello de Miño abre as inscricións para os primeiros talleres do programa de formación e capacitación para o emprego e o emprendemento “Espazo Gastronómico Marmiño”. 

Calendario de formación (20 horas cada taller):
Elaboracións artesanais en conserva:  8, 10, 13, 14 e 15 de outubro
Elaboración do produto pesqueiro e da horta en fresco: 17, 20, 21, 22 e 24 de outubro
Novas propostas de elaboración (salgados, patés, etc.): 31 de outubro, 3, 4, 5 e 10 de novembro

Dirixidos a:
Persoas traballadoras do sector da pesca e do marisqueo
Produtores e produtoras agroalimentarios/as
Persoas en situación de desemprego
Profesionais da restauración

Estes talleres enmárcanse no proxecto “Miño emprende no mar: artesanía alimentaria e transformación do produto pesqueiro”, promovido polo Concello de Miño e financiado polo #FEMPA a través do Galp Golfo Ártabro Norte (70% UE, 30% Xunta de Galicia). Convocatoria 2025, a desenvolver nas anualidades 2025 e 2026.

Unha oportunidade única para innovar, formarse e emprender arredor do mar!