Este proxeto aborda a rehabilitación dunha vivenda para uso hostaleiro, buscando complementar o proxecto iniciado polos netos dos antigos propietarios coa posta en marcha do Restaurante Casa do Tella e Rosalía na planta baixa do edificio. A construcción na que se levará a cabo a actuación foi inicialmente unha fábrica de salgadura, reahabilitouse inicialmente como vivenda e dente o ano 2014 ubicouse na pranta baixa o Restaurante Casa do Tella e Rosalía que aposta polo produto local e a promoción do peixe azul, principal produto de Portosín, recoñecido como o mellor porto do cerco de Galicia. O porto atópase fronte o edificio que vai ser rehabilitado.

Trátase dun aloxamento sostible, xa que optimiza o uso dos recursos mediambientais para reducir o impacto no entorno e, en consecuencia, disminuir  a pegada de carbono. Para iso dotarase de xeotermia, fará uso da iluminación Led e de sistemas de detección e instalara grifería automatizada que permite reducir ata un 50% o desperdicio de auga. Nese ámbito traballarase tamén na concienciación mediante a incorporación de mensaxes dirixidos aos hóspedes para reducir o cambio de toallas. Tamén se colocarán nos baños amenities ecolóxicos ou dispensadores para disminuir o número de residuos que se xera con estes envases e utilizará produtos de limpeza biodegradables a efectos de coidar o medio mariño e o recurso pesqueiro da localidade, sendo outro aspecto a destacar o fomento de emprego local e do produto de proximidade.

A oferta será de dez prazas de aloxamento distribuídas en cinco habitacións. As habitacións adaptaranse aos estándares de calidade e sostibilidade actualmente demandados. Disporán de wifi e climatización. O establecemento disporá das medidas de accesibilidade necesarias a través dun elevador externo respectando o carácter patrimonial da edificación e disporá dunha habitacións accesible.

Ao mesmo tempo, na decoración das habitacións faranse referencias á identidade mariñeira da localidade e a marca que identifica o seu recurso pesqueiro Azul de Portosón adaptando a súa imaxe corporativa a distintos detalles como a nomenclatura das habitacións.

A finalidade do proxecto e que as dúas actividades que explota a sociedade se alimenten reciprocamente unha da outra, sendo un servizo a maiores para os clientes do restaurante que se trasladan especifícamente a degustar o seu menú, e sendo ao mesmo tempo o restaurante un servizo complementario para os usuarios do aloxamento.

Exemplo desta reciprocidade, será o paquete que se ofertará con opción a menú degustación no restaurante.

Ademais a entidade promotora contribuirá ao potenciamento do turismo mariñeiro no territorio, ofrecendo aos usuarios do aloxamento visitas guiadas ao porto, para que os visitantes poidan ver a descargar dos barcos do cerco, a poxa do peixe, e a posibilidade de coñercer un barco do cerco por dentro, así como de intercambiar impresións cos mariñeiros da confraría; isto farao a través da oferta dun obradoiro de cociña onde os participante elaborarán un menú do peixe azul, despois da visita guiada, sendo a especialidade do restaurante o cebiche da xarda. A oferta destes obradoiros farase en época baixas contribuíndo deste xeito á desestacionalidade. Para ilo conta cun acordo de colaboración coa confraría de Portosín.