O obxecto da presente actuación é a reforma e modernización da planta baixa do mercado actual, (actualmente un espazo algo degradado e en condicións deficientes de confort tanto para os usuarios dos postos como para os clientes , que resulta pouco acolledor e atractivo.

Partindo das premisas da inmellorable localización do mesmo, fronte o mar e a lonxa e pescadores, a calidade dos recursos pesqueiros da lonxa de Fisterra, e o numero de visitantes que atrae cada ano a localidade así como a tendencia dos hábitos de consumo cara os produtos locais e de cercanía compre a necesidade de reformar este inmoble pola súa propia potencialidade catalizadora.

Procurase un mercado diferenciador onde a proximidade do produto, a sostibilidade e a calidade sexan os eixes diferenciadores, para elo para constituirase nun "Mercado Mariñeiro", no que se  dinamícese a actividade comercial do mercado tradicional poñendo en valor especialmente o produto local da pesca cun pequeno espazo complementario para o mercado dos produtos vexetais. Esta actividade comercial complementarase con demostracións gastronómicas e degustación de produtos, sendo o mercado mariñeiro de Fisterra un escaparate para os establecementos de restauración da contorna, e para as accións de promoción da propia entidade promotora.

Como garantía de proximidade acollerase ao selo promocional Kilómetro cero Mar Galaica que garante que o peixe do noso mercado non ten mais de 100 km de recorrido dende o lugar de orixe e foi capturado con artes de pesca artesanais, mariñeiros, armadores  percebeiros, e navalleiros estarán presentes no mercado mariñeiro de Fisterra a través do seu propio produto ., o fío será do mar a lonxa, da lonxa o mercado e do mercado a mesa.

Procederase tamén adecentamento e posta en valor da zona do lavadoiro que figura no mercado de xeito que sexa unha zona de descansos para o usuario e unha zona de observación para o visitante.

Como elemento innovador e que reflexa o carácter dinamizador e diferenciador que se pretende con este mercado colocarase unha   máquina de distribución de bolsas da compra reutilizables do mercado, que permitirán por unha banda promocionar o mercado e a vila de Fisterra e por outra banda transmitir valores de medioambente e sostenibilidade.

O mercado mariñeiro de Fisterra debe ser un referente a nivel turístico e de calidade de produto e debe estar orientado as novas tendencias e hábitos de consumo.