O proxecto consite na rehbilitación do almacén adosado polo norte da vivenda da antiga Fábrica de Curtidos da Chainza, edificio que responde á tipoloxía da arquitectura preindustrial do século XIX que antigamente se utilizaba como adega na planta baixa e alamacén no piso superior,  para darlle un novo uso como centro multiusos para a creatividade artística e a cultura urbana destinado a mozos complementando ó albergue que e instalará nunha das edificacións da parte traseira da parcela. O emprazamento desta factoría aberta escolleuse pola súa proximidade ao novo albergue, situado a tan só a 25 metros de distancia na mesma parcela, con acceso común, considerándose como un complemento do mesmo e acentuando aínda máis o carácter aberto do mesmo.

Algunha das disciplinas urbanas que se traballarán serán o breakdance, graffiti, parkour, beatboxe, turntablism Dj, slackline, rap, skimboard, etc, podéndose adaptar esta única planta a calquera delas.

O centro que se pretende, responde a unha necesidade latente na localidade que contra con catro centros de secundaria e dous de bacharelato que acollen en torno a uns catrocentos mozos. O obxectivo que se persegue non debe ser un centro de actividades ao uso, senón unha factoría aberta de contidos e creatividade orientada a estimular e ambicionar a estes rapaces, que atenda ás súas necesidades e inquedanzas, facéndoos ao mesmo tempo participativos na xestión do propio espazo.

Estamos ante un proxecto de interese colectivo para o territorio, non só para os beneficiarios directos que serán mozos e mozas para a poboación en xeral, o coidado e a dinamización da nosa xuventude debe ser sempre unha premisa a ter en conta para a sociedade do noso mañá.