- A ESTRATEXIA DE DESENVOLVEMENTO LOCAL PARTICIPATIVO Costa da Morte.
- A orde de axudas da convocatoria 2026. Novidades e requisitos
O pasado, Martes, 20 de Xaneiro, a sede do Galp Costa da Morte acolleu unha xornada informativa das axudas para proxectos ao abeiro das Estratexias de Desenvolvemento Local Participativo no marco do Fondo Europeo de Pesca e Acuicultura 2021-2027, correspondentes ao ano 2026.
Coa publicación, da orde de axudas para proxectos ao abeiro das estratexias de desenvolvemento Local Participativo no marco do Fondo Europeo de Pesca e Acuicultura 2021-2027, correspondentes ao ano 2026 no DOGA do 16 de xaneiro de 2026, ábrese o prazo para a presentación de solicitudes de axuda ata o 16 de febreiro do 2026.
A Xornada, dirixida polo equipo técnico do Galp Costa da Morte, incluío a presentación da Estratexia de Desenvolvemento Local Participativo do GALP Costa da Morte, información sobre liñas de apoio e axudas , así como requisitos e novidades respecto das convocatorias anteriores.
As axudas, promoverán proxectos que valoricen o territorio, creen emprego, e fomenten a participación de mulleres e mocidade como relevo xeracional en actividades do sector pesqueiro ou ligadas ao territorio, fomentando a economía azul, a creación de emprego e actividade económica, a posta en valor dos produtos do mar e o impulso do aproveitamento do patrimonio cultural e medioambiental.
Contacto:
Correo electrónico: galp.mar.costadamorte@xunta.gal Teléfono: 981 707 378 // 626 104 619