Espazo AMARES

Principais obxectivos do proxecto:

• Preservar e divulgar o patrimonio pesqueiro de Ares mediante a creación dun espazo interactivo que poña en valor a historia, as técnicas de pesca e a cultura mariñeira local.

• Mellorar e acondicionar as instalacións da Confraría, adaptándoas para acoller un espazo expositivo e un punto de promoción do produto pesqueiro.

• Facilitar a accesibilidade ao espazo, garantindo a inclusión de todas as persoas mediante a instalación dunha silla salvaescaleiras.

• Promover o consumo do produto pesqueiro local, vinculando a exposición coa valorización e degustación dos produtos do mar de Ares.

• Deseñar experiencias inmersivas que acheguen a realidade do sector á comunidade educativa, visitantes e público en xeral.

• Colaborar co barco turístico do Concello de Ares, integrando a visita á confraría dentro da oferta cultural e turística da vila.

• Modernizar a comunicación do proxecto, mediante a instalación de materiais audiovisuais e a creación de contidos dixitais que melloren a experiencia do visitante.

• Dinamizar economicamente a Confraría, xerando novas oportunidades de promoción, comercialización e venda directa.

• Organizar eventos de apertura e degustación, dando visibilidade ao espazo, aos produtos locais e á importancia da actividade pesqueira para o territorio.

Resultados concretos previstos coa implementación do proxecto:

• Creación dun Espazo do Patrimonio Pesqueiro de Ares, que servirá como punto de encontro entre pasado e presente, preservando e divulgando a historia, tradicións e cultura mariñeira da vila.
• Mellora das instalacións da Confraría, acondicionando o espazo con accesibilidade universal, novo mobiliario e recursos expositivos adecuados.
• Incremento da visibilidade e promoción do sector pesqueiro local, reforzando a conexión entre tradición mariñeira, produto pesqueiro e oferta turística da zona.
• Dinamización económica da Confraría, a través de novas oportunidades de comercialización, promoción directa dos produtos e atracción de visitantes.
• Creación dun punto permanente de divulgación e sensibilización, que ofrecerá experiencias educativas orientadas a escolares, veciñanza e turistas.
• Formación específica para socios e traballadores, mellorando as súas competencias en ámbitos como a interpretación do patrimonio, atención ao público e técnicas de venda.
• Colaboración activa co barco turístico do Concello de Ares, xerando sinerxías para ofrecer unha experiencia integral e completa aos visitantes.

Principais actividades do proxecto:

• Mellora da accesibilidade:

Instalación dunha cadeira salvaescaleiras que permitirá o acceso ao novo espazo a persoas con mobilidade reducida.

• Adquisición de equipamento e mobiliario:

Electrodomésticos de cociña (campá extractora, cociña e plancha), para a realización de actividades gastronómicas e degustacións.

Mesa de madeira para exposición e uso nos eventos.

• Equipamento informático:

pantalla e proxector para proxeccións audiovisuais e contidos dixitais interactivos.

• Obras de adecuación do espazo:

Traballos de acondicionamento interior para a creación do espazo expositivo.

Colocación de portas mediante carpintería de aluminio (entrada e interiores).

• Actividades de difusión e sensibilización:

Organización de eventos de valorización dos produtos pesqueiros locais, incluíndo degustacións, xornadas de portas abertas e actividades educativas dirixidas á comunidade e visitantes.

Formulario de búsqueda

Formulario de búsqueda

Espazo AMARES