Miércoles, 7 de Julio de 2021 - 02:07
1. En aplicación ao estipulado no artigo 24 da “Orde de Axudas do 21 de decembro de 2018 pola que se establecen as bases reguladoras para a concesión de axudas para proxectos ao abeiro das Estratexias de desenvolvemento local participativo (EDLP), aprobadas para os grupos de acción local do sector pesqueiro para o desenvolvemento sustentable das zonas de pesca no marco do Fondo Europeo Marítimo e de Pesca 2014-2020, e se convocan as correspondentes ao ano 2019”, a Xunta Directiva do GALP Golfo Ártabro Norte elevou á Dirección Xeral de Desenvolvemento Pesqueiro a proposta de resolución definitiva de concesión de axudas na primeira fase de adxudicación de axudas da convocatoria 2021 o día 14 de abril.
2. O día 1 de xullo de 2021 o Servizo de desenvolvemento das zonas de pesca (Consellería do Mar) procede á devolución da proposta de resolución de Xunta Directiva, tendo en conta o artigo 25.3 da Orde de Axudas, motivado en non estar conformes coas propostas acordadas desta directiva en oito dos proxectos produtivos propostos.
3. Realizadas as correccións oportunas, a Xunta Directiva eleva a público unha nova proposta de resolución definitiva de proxectos produtivos da 1ª fase de adxudicación de axudas, Convocatoria 2021, tendo en conta as correccións realizadas nos Exptes. GALP2-167; GALP2-171; GALP2-183; GALP2-192; GALP2-195; GALP2-197; GALP2-201 e GALP2-202 , que será trasladada á Consellería do Mar para a súa aprobación definitiva.
4. En relación á proposta definitiva de Xunta Directiva para proxectos non produtivos, por non haber variacións nos importes propostos, non procede emitir unha nova resolución definitiva desta Xunta Directiva ao respecto da enviada á Consellería do Mar o día 14 de abril de 2021, para emitir as resolucións de concesións das axudas dos proxectos non produtivos, tendo en conta o artigo 25 da Orde de Axudas do 21 de decembro de 2018.
6. Outórgase un prazo de alegacións de 5 días hábiles contados dende a data da súa publicación no taboleiro de anuncios do GALP Golfo Ártabro Norte, que será o día 07 de xullo de 2021, para exclusivamente aqueles proxectos que sufriron modificacións: GALP2-167; GALP2-171; GALP2-183; GALP2-192; GALP2-195; GALP2-197; GALP2-201 e GALP2-202
Esta proposta de resolución de Xunta Directiva da Convocatoria 2021, non crea ningún dereito a favor do solicitante proposto, estando suxeita á dispoñibilidade orzamentaria de crédito para esta 1ª fase de adxudicación de axudas da convocatoria 2021.