O proxecto ten como finalidade modernizar os medios destinados ao transporte e distribución de produtos pesqueiros frescos mediante a adquisición dun furgón isotermo híbrido enchufable (PHEV). Promovido por un armador con embarcacións adscritas á Confraría de Pescadores de Ferrol, que desenvolve tamén a actividade de comercialización polo miúdo de produtos pesqueiros, o investimento permitirá mellorar a loxística asociada á comercialización, garantir o mantemento da cadea de frío durante o transporte, reforzar a calidade e trazabilidade dos produtos e incrementar a eficiencia da actividade comercial. Ao mesmo tempo, a incorporación dun vehículo híbrido enchufable contribúe á modernización da actividade mediante unha solución de transporte máis eficiente e respectuosa co medio ambiente, favorecendo a competitividade da empresa e a valorización das capturas.