A Guarda, mar de marca

A Confraría aposta pola innovación na comercialización. Coa integración vertical da cadea de valor, busca reducir a intermediación e potenciar a venda directa, permitindo unha maior rentabilidade para as persoas asociadas. Para iso, está a desenvolver un sistema innovador de comercialización directa xestionado con tecnoloxías da información.

Deste xeito, a Confraría de Pescadores 'Santa Tecla' de A Guarda reafirma o seu compromiso coa modernización do sector e a defensa da pesca artesanal, garantindo a súa viabilidade e fortalecendo a economía local.

O proxecto "A Guarda, Mar de Marca" busca revolucionar a comercialización dos produtos pesqueiros mediante un modelo propio e innovador, integrando a Confraría na cadea de valor. A iniciativa aposta pola venda directa "da lonxa á mesa", superando o tradicional sistema de subasta na Lonxa de A Guarda.

O proxecto estrutúrase en tres fases:

1- Análise e preparación: Identificación de compradores, deseño de estratexias de difusión e dotación da Confraría cos recursos necesarios. Inclúe a finalización do centro de expedición e a adquisición dun vehículo isotermo con etiqueta ECO para a loxística de transporte. Para este investimento é para o que se solicita financiamento.

2- Deseño do proceso de comercialización: Participación das persoas asociadas baixo a coordinación da directiva e do persoal da Lonxa e administración.

3- Posta en marcha e avaliación: Implementación do novo modelo con avaliación continua para optimizar o proceso. Culmina cunha reunión técnica para divulgar resultados e compartir experiencias innovadoras.

Estas accións son complementadas con iniciativas de sensibilización sobre un modelo de pesca sustentable, promovidas pola Confraría durante todo o proxecto.

Datos do promotor

Nome e apelidos / Razón social:

Confraría de pescadores Santa Tecla de A Guarda

Datos de interese:

https://www.lonxasgalegas40.gal/aguarda/

Perfil empresarial:

Confraría de pescadores. Organización sen ánimo de lucro fundada en 1943 por un grupo de mariñeiros e armadores que buscan un obxectivo común para todos os seus membros. Actúa coma organismo consultivo e de colaboración coa Administración en asuntos de interese xeral, e se refire a actividade de pesca extractiva e a súa comercialización, especialmente nos sectores de artesanía e ocio, co seu propio patrimonio específico, o seu goberno e representación.

Datos do proxecto

Referencia normativa:

Orde do 12 de febreiro de 2025 bases reguladoras concesión axudas proxectos FEMPA 2021-2027

Convocatoria - ano:

2025

Data de aprobación:

11/08/2025

Prazo de execución

Prazo total (meses):

Anualidades:

2025

Data fin de execución:

31/10/2025

Ámbito de aplicación:

O proxecto lévase a cabo no Concello de A Guarda

Información económica inicial do proxecto

Coste total do proxecto (subvencionable + non subvencionable):

31.933,64

Coste subvencionable do proyecto (inversión pública + inversión privada):

31.933,64

Total axuda pública aprobada (€):

31.933,64

% Subvención:

100%

Reparto de axuda pública aprobada

FEMP (€):

22.353,55

FEMP (%):

70%

CA (€):

9.580,09

CA (%):

30%

Estratexia de desenvolvemento local participativa, obxectivos e prioridades dos proxectos

Principais obxectivos do proxecto:

- Mellorar a comercialización e incrementar as vendas, facilitando o acceso a mercados de maior valor engadido.

- Dotar á Confraría dun elemento de transporte, incorporando un vehículo sustentable que reduza a pegada de carbono.

- Garantir unha maior transparencia e seguridade alimentaria empregando un furgón isotermo axeitado, garantindo a conservación óptima ata a venda final.

- Axudar á consolidación dos postos de traballo da Confraría e do sector pesqueiro local, contribuíndo á estabilidade económica da comunidade.

- Contribuír á redución da diferenza entre o prezo de orixe e o prezo final, beneficiando tanto aos produtores como aos consumidores e promovendo un modelo máis xusto de comercialización.

- Fomentar o consumo local e promoción do comercio de proximidade, e sostibilidade na cadea de subministración.

- Seguir avanzando na introducción de prácticas sostibles na cadea de valor marítimo-pesqueira, asegurando a viabilidade a longo prazo destas actividades.

Resultados concretos previstos coa implementación do proxecto:

▪ Dar a coñecer o novo procedemento de comercialización que porá en marcha a Confraría da Guarda entre potenciais compradores.

▪ Creación dunha base de datos dixital de potenciais compradores a través da que se producirán os posteriores contactos para potenciar a compra do producto.

▪ Elementos de difusión básicos para dar a coñecer o proxecto.

▪ Canles de difusión básicas para a posterior posta en marcha do proxecto.

▪ Furgón isotermo con etiqueta ECO.

Principais actividades do proxecto:

O proxecto proposto para a Confraría estrutúrase en varios paquetes de traballo para mellorar e innovar o proceso de comercialización.

ANÁLISE E PREPARACIÓN

Nesta fase inicial identifícanse os potenciais compradores/as e establécese contacto. ORMALUGA axudará á Confraría nesta tarefa. Tamén se deseñan elementos de comunicación (notas de prensa, mailing, redes sociais e canles de mensaxería instantánea) para a difusión do proxecto. Ademais, dótase á Confraría dos medios necesarios, incluíndo a compra dun furgón isotérmico ecolóxico, para o que se solicita financiamento.

DESEÑO DO PROCESO DE COMERCIALIZACIÓN

Nesta fase defínese o novo proceso, implicando ao persoal da lonxa e administración, así como ás persoas asociadas. O proceso inclúe identificación da mercadoría, envío de información a compradores, poxa presencial/remota, adxudicación, preparación, transporte e facturación. Nunha primeira fase, o persoal da Confraría xestiona as poxas, con vistas a unha futura automatización.

POSTA EN MARCHA E AVALIACIÓN

Unha vez validado, o novo proceso impleméntase e avalíase para mellorar a dixitalización e optimizar a loxística. A posta en marcha require a recepción do furgón isotérmico ECO para garantir a trazabilidade e calidade do produto. A avaliación faise mediante enquisas a compradores/as e persoas usuarias da lonxa, ademais dun seguimento das vendas. Finalmente, organízase unha xornada técnica en colaboración con ORMALUGA para analizar os resultados, coñecer experiencias similares e definir novos pasos.

PAQUETES DE TRABALLO TRANSVERSAIS

Inclúen actividades de xestión administrativa e técnica a cargo do persoal da Confraría, así como accións de difusión e sensibilización a través de redes sociais, prensa e eventos. Estas accións garanten unha ampla visibilidade do proxecto e reforzan o compromiso coa súa implementación.

Obxectivos da EDLP do GALP á que responde

Obxectivo estratéxico da EDLP:

Obxectivo estratéxico 1: Aumento do valor, creación de emprego, valoración e fomento da participación das mulleres, atracción de persoas mozas e promoción da innovación en todas as fases da cadea de produción e subministración dos produtos da pesca e da acuicultura, e mellora da imaxe destes produtos e a actividade produtiva a nivel local para a súa incorporación á cultura alimentaria do territorio.

Obxectivo específico da EDLP:

Obxectivo específico 1.1: Incrementar o valor engadido dos produtos da pesca artesanal, o marisqueo e a acuicultura.

Actuación1.1.3: Actuacións para levar a cabo a agrupación da oferta no territorio e desenvolver cadeas curtas de comercialización a través das novas tecnoloxías e procesos con maior eficiencia enerxética.

Contribución aos retos dos GALP cara o 2020:

Si
Non

Contribución:

Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)

Formulario de búsqueda

Formulario de búsqueda

A Guarda, mar de marca