Mediante a adquisición dunha máquina de envasado ao baleiro de última xeración a empresa mellora a cadea de valor dos productos de pesca artesanal. A envasadora contibuie a prolongar a vida últil do producto, a mellorar a eficiencia e rapidez de envasado e a mellorar a presentación e a calidade percibida polo consumidor. Tamén permite favorecer a valorización do peixe como producto de proximidade.

Coa distribución de bolsas promocionais ecolóxicas con mensaxes sobre pesca artesanal, o negocio reduce o impacto ambiental ao ser reutilizables e non estar feitas de plástico. Con estas bolsas Mordeste actúa como embaixador dos valores da pesca artesanal, busca educar ao consumidor sobre a importancia do patrimonio cultural e económico pesqueiro e marítimo.

As melloras da tenda en liña supoñen unha innovación a nivel local, nacional e internacional que garanten o acceso público ao coñecemento da actividade pesqueira artesanal.