Proxecto de carácter divulgativo, sensibilizador e inclusivo, que abrangue 9 actividades coa finalidade de pór en valor o traballo realizado pola Confraría de Burela durante un século, para dar un maior recoñecemento do seu papel como entidade dinamizadora da zona costeira no ámbito social, económico, medio ambiental e cultural, e impulsora de medidas desde o sector pesqueiro cara a veciñanza e poñendo en valor os recursos do mar. As actividades consistirán en: Realización de mural na fachada frontal e lateral da Confraría deseñado polo alumnado de Belas Artes do IES MONTE CASTELO baixo a dirección e execución de artistas, onde se combina arte coa historia do porto de Burela e que honrará a mulleres e homes do mar de Burela, o mural contará con alumeado de enerxía solar renovable, promovendo a eficiencia, rentabilidade e sosteñibilidade do medio ambiente, unha vez realizado farase unha adaptación, para que as persoas con discapacidade visual poidan acceder ao seu contido. Unha mesa redonda onde interveñen varias persoas directamente implicadas na Confraría ao longo da súa historia, co fin de coñecer o papel desta entidade social e o que supuxo para o desenvolvemento da Burela que coñecemos hoxe en día. Homenaxe ás mulleres do mar de Burela, a través dunha recompilación de fotografías e posterior exposición onde as paredes do interior da Confraría servan de lenzos permanentes, para dar a coñecer o mundo do mar e por en valor os oficios tradicionais desenvoltos por mulleres no Porto de Burela (peixeiras, redeiras, mariñeiras, conserveiras, etc.). Un campamento mariñeiro, donde un grupo de adolescentes converteranse en “mariñeiros e mariñeiras” durante 2 días, recepcionados polo Patrón Maior, visitarán as dependencias da Confraría, así como aos redeiros e redeiras, coñecerán e pernoctarán no Barco Museo Reina del Carmen, asístirán ás subastas de peixe na lonxa de Burela, farán unha visita á faia xeolóxica de Burela, e se o tempo o permite farase unha ruta en kaiaks ata chegar á Igrexa de Coedo. Exposición permanente con cadros dos patróns maiores dos 100 anos da Confraría. Xornada interxeracional a adicada á música mariñeira e da terra, onde distintas bandas tradicionais de Burela recordarán os tempos do mar en que a música servía de distracción para os mariñeiros, nela convivirán persoas maiores e mozas, quenes se enriquecerán de experiencias e aprendizaxes claves que lles invite a seguir co traballo no sector pesqueiro. Realización de audiovisual conmemorativo do Centenario e gravado en USBPENDRIVE onde se fai un percorrido pola historia da Confraría e do pobo, desde a Burela de principios de século, os seus barrios e a súa tradición mariñeira, ata a Burela do século XXI, contando con testemuñas dos seus principais protagonistas. Breve libriño onde se pode visualizar a historia da Confraría durante os 100 anos de vida e a súa aportación socioeconómica e labor social, contribuíndo a facer a Burela que hoxe en día coñecemos, así como un recompilatorio de todas as actividades realizadas co motivo do seu Centenario. A través do libriño tamén se levará a cabo unha homenaxe aos náufragos de Burela.