Sorry, you need to enable JavaScript to visit this website.

Formación coa REGP sobre EDLP eficientes

Xa estamos preparándonos para comezar a elaboración da nova Estratexia de Desenvolvemento Local Participativo para o período 2021-2027

Desde o GALP Golfo Ártabro Sur continuamos mellorando cada día os nosos coñecementos para ofrecer un asesoramento técnico óptimo ás entidades do sector mar-pesca do noso territorio. Durante dous días, o 19 e o 20 de maio, participamos no II Taller formativo online da Red Española de Grupos de Pesca (REGP): "O deseño da EDLP como ferramenta base para a xestión dos GALP".

Ademais de ser unha oportunidade para comparar a nosa estratexia coa de Grupos de toda España, aprendemos novas técnicas cuantitativas e cualitativas para deseñar e valorar os proxectos de emprendemento presentados ás nosas axudas. 

Non obstante, tal e como puidemos comprobar, desde o GALP Golfo Ártabro Sur xa seguimos nunha porcentaxe moi alta estas indicacións o que, consideramos, é o motivo do éxito das convocatorias anteriores. Neste camiño, agora o noso obxectivo é seguir mellorando para ofrecerlle a todos os promotores un apoio sustentado na excelencia. 

Nova estratexia

Actualmente, desde o GALP Golfo Ártabro Sur xa estamos preparándonos para comezar o proceso de xestión da elaboración da Estratexia de Desenvolvemento Local Participativo (EDLP) para o período 2021-2027.