O proxecto “Merca fresco en San Agustín” ten como obxectivo modernizar os servizos do mercado municipal mediante a instalación dun sistema de taquillas refrixeradas con aproximadamente 16 compartimentos, que permitirá conservar temporalmente os produtos do mar adquiridos e facilitar a súa recollida en horarios máis amplos. Esta actuación mellorará a experiencia de compra da clientela, favorecerá a conciliación e contribuirá a facer o mercado máis accesible e adaptado aos novos hábitos de consumo.

Como accións complementarias, prevese a distribución de bolsas isotérmicas para garantir a correcta conservación dos produtos durante o seu transporte e de folletos informativos con recomendacións sobre o uso das taquillas e boas prácticas de conservación e consumo responsable. Así mesmo, realizaranse accións informativas dirixidas ás persoas vendedoras do mercado para fomentar o uso do novo servizo e mellorar a coordinación coa clientela.

En conxunto, o proxecto busca reforzar a cadea dos productos do mar, procedentes en gran parte da Lonxa da Coruña, dinamizar a actividade comercial do mercado e ampliar o seu público, especialmente entre as persoas máis novas. Estas actuacións contribúen á modernización do Mercado de San Agustín, mellorando a calidade do servizo, promovendo o consumo de proximidade e avanzando cara a estándares de excelencia nos mercados municipais.