ESTABLECEMENTO TURÍSTICO E CULTURAL JAVIOTA ONS

Principais obxectivos do proxecto:

O proxecto contribúe aos obxectivos das políticas culturais europeas ao promover a diversidade cultural en contornos rurais, fomentar a participación cidadá e o acceso á cultura, salvagardar e reinterpretar o patrimonio cultural inmaterial, impulsar modelos de turismo sostible e creativo e apoiar a creación contemporánea vinculada ao territorio.

Trátase dun proxecto integral que combina infraestrutura cultural, creación artística, memoria visual e compromiso co territorio. Desde Bueu e coa Illa de Ons como horizonte simbólico, o proxecto aspira a contribuír á construción dunha cultura visual contemporánea, crítica e participativa, en diálogo coa tradición da fotografía galega e cos valores culturais europeos.

Resultados concretos previstos coa implementación do proxecto:

- Oferta dun novo espazo turístico, cultural e de creación en Bueu que permita atraer novos perfis de visitantes.

- Promoción da diversidade cultural en contornos rurais, fomento da participación cidadá e do acceso á cultura.

- Contribución á desestacionalización do turismo en Bueu cunha proposta cultural durante todo o ano, permitindo así a reducción do impacto sobre os recursos locais.

- Valorización turística e salvagarda do patrimonio inmateiral ligado á estadía de Luís Ksado, Carlos Velo ou Pepe Suárez en Bueu nos anos 30 e divulgación da súa obra.

- Visibilización da actividade artística e intelectual da vila de Bueu durante os anos 30, poñendo en valor a pegada que a estadía destes persoeiros deixou en toda a súa obra posterior.

- Elaboración dun arquivo visual que sirva de base para futuras publicacións e accións de difusión sobre a Illa de Ons.

Principais actividades do proxecto:

As principais actividades a desenvolver no marco do proxecto son:

1 Rehabilitación dunha casa tradicional de pedra de aproximadamente 75m2, que funcionará como zona comunitaria e espazo cultural principal e albergará un estudo de creación visual dotado de maquinaria para fotografía analóxica, incluíndo revelado e copiado, xunto cunha área dixital para a edición e finalización dos proxectos. A zona comunitaria inclúe un salón multiusos de 60 m2 destinado a funcionar como galería expositiva e sala de proxección cinematográfica, orientado á difusión de proxectos autorais contemporáneos, con especial atención ao novo cinema galego e ás prácticas audiovisuais ligadas ao territorio. O espazo complétase cunha cociña compartida, zonas de traballo común e unha área exterior vinculada ás actividades culturais.

2 Edificación de dous novos apartamentos turísticos de unha chave integrados de maneira respectuosa no entorno rural, que permitirán aloxar artistas e creadoras en residencia, dar acollida a persoas convidadas, investigadoras e participantes nas actividades culturais, así como recibir visitantes interesados nun modelo de turismo cultural e creativo.

3 Proposta de actividades e de experiencias turísticas sustentables relacionadas coa temática do proxecto ao redor da creación artística, a divulgación e os recursos naturais costeiros.

4 Acondicionamento do terreo circundante, habilitándoo como espacio de creación e de lecer que complemente a proposta turística e cultural.

Search form

Search form

ESTABLECEMENTO TURÍSTICO E CULTURAL JAVIOTA ONS