O Proxecto Fene Mar Vivo iniciado no 2017 obtivo un gran éxito o que levou ao Concello de Fene a seguir apostando por ser un concello de esparcemento para todas as persoas que estean pola zona de Ferrolterra e tamén pola cultura indiana ou de ultramar que xogan un papel importante na diferenciación deste concello, polo que consideran necesario unha fase de consolidación a través do proxecto Fene Mar Vivo Plus, na que promoveran os produtos do mar de Fene en dúas "festas de exaltación do produto", unha dedicada aos bivalvos e outra aos crustáceos, co obxecto de apoiar ao sector pesqueiro do territorio, dando a coñecer o produto e contribuír a un aumento nas ventas do mesmo. Tamén se realizaran dous cursos de tratamento de produtos do mar e outro de comercialización online.

Tense demostrado que a idea do "Fene Indiano" segue a coller forza e cada vez a cidadanía deste concello está máis concienciada coa importancia de recuperar esa historia pasada, por iso nesta edición queren darlle un impulso definitivo á recuperación da historia deste concello costeiro. Impulsarase un produto turístico vencellado á historia e aos produtos do mar, marcado pola calidade, o coñecemento á historia e o patrimonio. Converter en referencia anual na que as xentes de Fene e as espalladas por toda a Ría de Ferrol presuman do seu pasado ligado ao mar, un evento de difusión da cultura e a historia mariñeira.