O Concello de Narón organiza dúas accións formativas denominadas "Peixeria" para as anualidades 2024 e 2025. Estas accións formativas diríxense a persoas maiores de 18 anos, desempregadas e empadroadas en Narón, aínda que tamén poderán inscribirse persoas doutros concellos que accederán ao mesmo no caso de que non se cubran todas as vacantes con persoas de Narón. Esta acción formativa, consta dun total de 415 horas en cada anualidade .
O alumnado abordará contidos como o coñecemento e diferenciación de peixes e mariscos; a súa recepción, almacenamento e conservación; tratamento e preparación (desespiñado, fileteado, corte e presentación); tratamento de despoxos; atención ao público; prevención de riscos laborais específicos do sector; hixiene alimentaria para manipulación de alimentos…
Unha das finalidades do proxecto é formar profesionais do sector pesqueiro que traballen en supermercados e outras superficies comerciais, industrias de manufacturación do peixe ou na pequena empresa, e tamén como unha opción para o emprendemento.
Non
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)