O Restaurante "Cantina do Río Covés, é un dos referentes gastronómicos do ámbito territorio do GALP Golfo Ártabro Norte, caracterizado por unha relación calidade-precio moi apetecible para o tipo de produto que ofrece e a súa relación directa co mar e os seus produtos.

Está situado na confluencia dos ríos Covés e Eume en Pontedeume. Ten unha rica oferta gastrónomica, realizando xornadas de pesca. Este restaurante está ubicado nunha antiga casona rehabilitada en 1999, que durante 50 anos foi estanco, cantina e almacén de sal. Nos anos 20 estaban ubicados uns galpóns de madeira, xa que a familia se adicaba á construción de barcos de vapor.

As promotoras dúas mulleres (nai e filla) con ampla experiencia no sector da restauración apostan fortemente pola continuidade deste establecemento coidando as súas instalacións e equipamento, adaptándose ás novas tecnoloxías coa implantación duns novos sistemas de xestión máis avanzandos, mellorando na eficiencia e eficacia do servizo , coa clara intención de poder prestar aos visitantes unha oferta gastronómica única máis adaptada á cociña actual e adecuada para proxectar a imaxe de excelencia dos produtos do mar garantindo a trazabilidade dos mesmos a través da marca PescadeRías.

Río Covés, conta actualmente coa categoria de "Cantina del Eume" e está certificada en calidade por varias entidades de recoñecido prestixio, pois foi, no seu momento o primeiro restaurante de Galicia en acadar a "Q de calidade", otourgada polo Instituto da Calidade Turística Español, marca que 10 anos despois aínda manteñen. Tamén está certificada coa marca de calidade de "Galicia Calidade", dispón da marca da Consellería do Mar "PescadeRías" e distinguida polo cuño de "Excelencia Turística". Todas estas certificacións de Calidade garanten que os seus produtos, servizos e procesos están completamente asegurados e avalan un nivel de satisfacción ao seu cliente óptimo.