A. Adecuación e modernización do local para a oferta ao publico dos pratos con productos do mar, impulsando experiencias e eventos turisticos de visitas a barcos e outros espazos mariñeiros. Para garantir a viabilidade e competitividade do restaurante, invertirase en novo equipamento que optimizarán a operatividade e seguridade do establecemento.
B. Creación e formación do equipo de traballo. O restaurante terá unha necesidade de persoal dependendo da temporada, combinando profesionais con experiencia e persoas sen formación previa, ás que se ofrecerá capacitación específica. O proceso de contratación seguirá criterios de igualdade, sen discriminación por idade, xénero ou orixe.
- Formación do persoal:
- Capacitación en cociña e servizo de sala, con foco en produtos locais.
- Formación en atención ao cliente, seguridade alimentaria e innovación gastronómica.
- Promoción da sostibilidade e redución do desperdicio alimentario.
- Mellora das condicións laborais:
- Horarios laborais equilibrados, respectando os turnos establecidos.
- Salarios xustos e proporcionais ás responsabilidades.
- Incentivos para fomentar un equipo motivado e comprometido
C. Actividades de Showcooking, Eventos e Accións Divulgativas
1. Showcooking na Lonxa de Burela
Descrición: Realización de demostracións culinarias en directo na lonxa, onde se prepararán pratos con peixes e mariscos adquiridos no día.
Obxectivo: Mostrar ao público como se traballan os produtos desde a súa chegada da captura ata a súa elaboración en cociña.
Público destinatario: Consumidores, turistas, restauradores e colectivos interesados en gastronomía sostible.
Periodicidade: Actividade programada en colaboración coa lonxa en función da dispoñibilidade do espazo e dos permisos concedidos.
2. Xornadas Gastronómicas do Mar
Descrición: Organización de eventos temáticos onde se promoverán especies locais menos coñecidas comercialmente, combinándoas con ingredientes da terra como a Faba de Lourenzá.
Obxectivo: Dar a coñecer novas posibilidades culinarias, fomentar o consumo de produto pesqueiro local e fortalecer a identidade gastronómica da Mariña Lucense.
Público destinatario: Público xeral, prensa gastronómica e profesionais da restauración.
Periodicidade: Celebración de dúas ou tres xornadas ao ano, coincidindo con datas de maior afluencia turística ou campañas de promoción do produto mariñeiro.
3. Experiencia Pesqueira: Visita a un Barco de Pesca
Descrición: Posibilidade de organizar visitas a barcos pesqueiros en porto para explicar as distintas artes de pesca e a vida a bordo. Inclúe un cocktail con degustación de produtos locais preparados con técnicas innovadoras.
Obxectivo: Crear unha experiencia inmersiva que mostre o proceso de captura e a importancia da pesca sostible.
Público destinatario: Turistas interesados en experiencias gastronómicas e culturais.
Periodicidade: Dependente da dispoñibilidade e permisos, pero con intención de programalo varias veces ao ano.
4. Charlas e Degustacións en Cofradías e Centros Culturais
Descrición: Sesións educativas sobre o sector pesqueiro, a súa historia e o impacto da pesca sostible, acompañadas dunha pequena degustación de pratos elaborados con produto local.
Obxectivo: Sensibilizar á poboación sobre o valor do produto pesqueiro local e as boas prácticas na restauración sostible.
Público destinatario: Escolares, colectivos sociais e público interesado na cultura mariñeira.
Periodicidade: Actividades puntuais organizadas en colaboración con confrarías e entidades locais.
5. "A Historia detrás do Prato" – Integración do Storytelling de cada prato
Descrición: Cada prato do restaurante terá asociada información sobre a súa orixe, a arte de pesca utilizada e o proceso de captura.
Obxectivo: Crear unha conexión directa entre o cliente e a tradición mariñeira, reforzando a trazabilidade do produto e a súa importancia cultural.
Público destinatario: Clientes do restaurante e seguidores en redes sociais.
Periodicidade: Permanente, como parte da identidade do local.
6. Campañas Dixitais e Redes Sociais
Descrición: Difusión de contidos audiovisuais mostrando os procesos de compra do produto fresco, a súa preparación e a súa historia.
Obxectivo: Aumentar a visibilidade do proxecto, atraer novo público e reforzar a marca do restaurante como un referente en gastronomía mariñeira.
Público destinatario: Público online e turistas interesados en experiencias gastronómicas.
Periodicidade: Contido semanal en redes sociais e actualizacións en función dos eventos programados.
