Proxecto promovido pola Asociación de Mariscadores Fonte de Santa Helena de Baldaio, con enfoque innovador no sistema de xestionar os recursos marisqueiros integrando o uso de medios mecánicos a través da adquisición de maquinaria para a recolección de algas, medidas de conservación medio ambiente e actividades de concienciación, que contribúen a manter os ecosistemas en un estado de equilibrio,
á mellora da calidade de vida das familias de mariscadoras e sostibilidade da actividade.

Os membros da Asociación de Mariscadores de Baldaio son conscientes da gran importancia que ten a divulgación para concienciar á poboación sobre o coidado e o respecto dos ecosistemas naturais e da cultura mariñeira artesanal. Por este motivo decidiron utilizar a caseta da que dispoñen para a creación dun aula ambiental na que arrancarían as visitas guiadas. Tras unha charla introdutoria dende a caseta, na que se poñería en valor a profesión do mariscador e os productos marisqueiros, así como o ecosistema necesario para o seu desenvolvemento, comezaría a ruta polo ámbito natural que permitiría a observación de aves, endemismos vexetais, pegadas, rastros, etc.

Para mellorar a capacidade de xestión da lagoa en ocasións é preciso axudarse de maquinaria que permita axilizar os traballos. Un exemplo claro é a eliminación de algas que, en certas épocas do ano, se se dan as condicións ambientais axeitadas, teñen grandes explosións de crecemento, formando un manto verde que aboia na superficie da lagoa, impedindo o paso de luz e calor ás capas máis profundas. Posteriormente estas algas deposítanse sobre o substrato areoso impedindo o intercambio de aire entre o medio e os organismos infaunais. Dado que estas explosións de algas producen grandes mortandades nas comunidades da lagoa e en consecuencia contribúen á eutrofización da lagoa, dende lai anos veñen realizándose campañas de retirada de algas para evitar, na medida do posible os danos. Pero debido quizáis ao cambio climático, cada vez é máis frecuente este tipo de fenómenos e ademais perduran máis no tempo. Este feito ocasiona que cada vez sexa máis dificil controlar as poboacións de algas, que ata o de agora se viña facendo a man, e as consecuencias para o medio están a ser cada vez máis devastadoras.

A fin de incrementar as competencia dos membros da asociación para a xestión, protección, conservación e recuperación dos recursos marisqueiros e dos seus hábitats é preciso incorporar maquinaria específica que permita a retirada das algas.

Unha mellor xestión do ecosistema permite o enriquecemento medioambiental da zona e en consecuencia incrementa a calidade do produto o que permite a exaltación da cultura mariñeira artesanal.

A adquisición dun aparello para as algas e do tractor para o seu manexo permitirá tamén unha importante modernización das tarefas asociadas ás propias do marisqueo. 0 que indudablemente repercutirá na calidade de vida dos mariscadores, ao minorar de xeito considerable o esforzo físico que supoñen certas tarefas e ao reducir o tempo necesario para a súa realización permitindo unha mellora na conciliación laboral-familiar.