O proxecto promovido por Bestarruza Proxectos ten como obxectivo o acondicionamento dun inmoble catalogado como patrimonio cultural no municipio de Mugardos, situado fronte ao paseo marítimo, para convertelo en apartamentos turísticos.
Trátase dunha iniciativa de desenvolvemento turístico que pon en valor a identidade mariñeira da vila, establecendo unha conexión directa co sector pesqueiro local a través dun convenio coa Confraría de Pescadores de Barallobre. Esta colaboración permite fomentar o consumo de peixe e marisco fresco, apoiar o comercio de proximidade e dar visibilidade ao traballo das confrarías como parte da experiencia turística ofrecida aos visitantes.
O proxecto supón tamén a creación dun posto de traballo, ocupado por unha muller, contribuíndo á dinamización socioeconómica do territorio e reforzando un modelo de turismo sostible, vencellado ao mar e aos recursos locais.