Cociña mariñeira de Miño

Principais obxectivos do proxecto:

Consolidar un modelo estable e innovador de formación avanzada e promoción da gastronomía mariñeira sostible no Concello de Miño.
Fortalecer a cadea de valor dos produtos pesqueiros e marisqueiros locais mediante a cooperación entre o sector extractivo, transformador e a hostalaría.
Mellorar a capacitación técnica dos profesionais da restauración e fomentar a incorporación continuada de produtos do mar de proximidade nas súas propostas gastronómicas.
Impulsar a innovación culinaria baseada en criterios de sustentabilidade e economía circular, promovendo un maior aproveitamento dos recursos pesqueiros.
Reforzar a identidade gastronómica do municipio a través da promoción e valorización do Bolo Mariñeiro de Miño como elemento representativo do territorio.

Resultados concretos previstos coa implementación do proxecto:

Mellora da calidade da oferta gastronómica dos establecementos de restauración mediante a aplicación dos coñecementos adquiridos nos obradoiros de cociña mariñeira.
Incremento da cooperación entre hostaleiros, confrarías, peixeiros, produtores locais e outras entidades do territorio, favorecendo a creación de sinerxías e o traballo en rede.
Maior valorización dos produtos do mar do territorio, promovendo a súa incorporación á oferta gastronómica local e reforzando o seu consumo de proximidade.
Sensibilización do sector da restauración sobre a importancia do consumo responsable, das cadeas curtas de subministración e da sustentabilidade ambiental.
Consolidación do Bolo Mariñeiro de Miño como prato identitario e elemento diferenciador da gastronomía do municipio.
Favorecemento da integración de novos profesionais da hostalaría, incluídos negocios impulsados por persoas migrantes, mediante accións formativas adaptadas ao coñecemento da cociña mariñeira e dos produtos pesqueiros locais.

Principais actividades do proxecto:

O proxecto estrutúrase arredor de distintas actuacións orientadas á formación, á cooperación entre o sector pesqueiro e a hostalaría, á promoción dos produtos do mar e á difusión da gastronomía mariñeira local. Entre as principais actividades previstas destacan:

Planificación, coordinación e xestión das actuacións previstas, incluíndo a definición da estratexia e a coordinación cos establecementos hostaleiros, o profesorado e as entidades colaboradoras.
Desenvolvemento de actividades formativas, con obradoiros especializados en cociña mariñeira, persoal docente, material didáctico e os recursos necesarios para a súa realización.
Organización de encontros profesionais e actividades de valorización dos produtos pesqueiros, incluíndo o evento de promoción do Bolo Mariñeiro de Miño.
Execución das accións de comunicación e difusión do proxecto, mediante actualización da web, redes sociais, notas de prensa, cuñas de radio e elaboración de materiais divulgativos.

Search form

Search form

Cociña mariñeira de Miño