Fundado en 2012, CabanasKdm é un club multidisciplinar, que xorde coa idea de fusionar actividades deportivas e de ocio, nun lugar privilexiado como é a praia da Magdalena de Cabanas, na comarca do Eume. En contraste cos clásicos clubs de piragüismo, de carácter eminentemente competitivo, o Cabanas KDM busca poñer a disposición de todos os públicos a posibilidade de facer deporte nas súas múltiples variantes, cunha finalidade fundamentalmente recreativa.

O barco dragón ou  dragón boat é un barco cuxa tripulación está formada por 12 ou 22 remeiros (DB12 e DB22), onde un deles é o baterista, que dirixe o ritmo do golpe, e outro é o timonel, que dirixe o barco. É unha modalidade de piragüismo de orixe chinesa, con máis de 2000 anos de antigüidade.

Dragon Boat polo Golfo Ártabro é un proxecto mixto de paseos polo litoral e actividade física con especial incidencia en mulleres afectadas de cranco de mama. Fomentarase ademais o respecto ao medio ambiente e á cultura do territorio, entendendo como algo fundamental para iso o seu coñecemento (a través de charlas e xogos) e a práctica deportiva en grupo, cun carácter eminentemente non competitivo.