Co obxectivo de modernizar o funcionamento da pescadería e mellorar a conservación, o tratamento e a comercialización dos produtos pesqueiros, Pescadería Marita incorpora novo equipamento destinado a optimizar a súa actividade diaria. As actuacións centrais do proxecto inclúen:

• Adquisición dun furgón isotermo con sistema de alimentación dualizado a GLP e distintivo ambiental ECO, que permitirá mellorar a loxística da empresa e garantir a conservación dos produtos pesqueiros durante a súa distribución.
• Incorporación dunha envasadora ao baleiro, destinada a mellorar a conservación, a hixiene e a presentación dos produtos.
• Instalación dun forno de convección-vapor MyChef, que permitirá ofrecer un novo servizo de cocción ao vapor de peixe e marisco para a clientela.
• Adquisición dun abatidor de temperatura, favorecendo unha mellor xestión das compras e unha maior competitividade mediante a conservación do produto en condicións óptimas.
• Instalación dun fabricador de xeo, garantindo a correcta conservación e frescura dos produtos expostos para a venda.

Estas actuacións contribuirán a modernizar a actividade comercial da pescadería, mellorando a eficiencia dos procesos, a calidade do servizo prestado e a competitividade dun comercio especializado na comercialización de produtos pesqueiros.