O proxecto “Roteiro tradicional pesqueiro Punta do Aradoiro, Vilaboa” contempla a execución dun conxunto integrado de actuacións orientadas á recuperación, posta en valor e difusión dun itinerario litoral tradicional vinculado á actividade pesqueira local.
As actuacións preistas inclúen: traballos previos de limpeza e desbroce, levantamento topográfico, estudo xeotécnico, acondicionamento do roteiro peonil, instalación de pasarelas de madeira, vallas de protección con rede de pesca reutilizada e balizas solares.

O proxecto inclúe a instalación de paneis interpretarivos sobre os recursos mariños, ecosistemas costeiros, a actividade pesqueira e a historia do territorio. Os paneis complementanse con audioguias accesibles mediante códigos QR, que permitirán ás persoas usuarias acceder a contidos dixitais ampliados sobre o patrimonio ambiental e cultural do ámbito, fomentando o uso das TIC e a accesibilidade universal á información.

Desenvolveranse xornadas de presentación, divlgación e sensibilización, dirixidad á poboación local, ao sector pesqueiro, ao ámbito educativo e as persoas visitantes, orientadas á conservación do medio mariño, ao aproveitamento sostible dos recursos do territorio, á adaptación ao cambio climático e ao fomento do aforro enerxético, reforzando a participación social e a educación ambiental.