No ano 2015, a empresa promotora do proxecto, que está situada no porto de Burela, levou a cabo medidas de promoción como a creación dunha páxina web e asistencia a feiras internacionais, co fin de introducir o peixe azul a nivel europeo. Como consecuencia disto, no ano 2016, a empresa acusou un incremento na demanda, polo que se ve na necesidade de realizar unha serie de inversións para ampliar o seu negocio de comercialización de produtos pesqueiros locais.

A empresa pretende adquirir maquinaria diversa como transpaletas, básculas, etiquetadoras automáticas, equipos e programas informáticos que faciliten o traballo diario e axilicen o pesado e etiquetado do elevado volume de produto comercializado, mellorando así a trazabilidade dos produtos comercializados.