Mellorar a percepción da calidade dos produtos pesqueiros e marisqueiros tanto no público xeral -dado o discurso creado relativo á frescura e achega nutricional, valores ambientais de sustentabilidade na extracción- como no sector da hostalería, que constitúe unha canle de distribución de gran relevancia nos concellos participantes para poder chegar a gran número de persoas visitantes e residentes.

Diversificar a venda en lonxa, nas peixarías e cartas de restaurantes e no consumo xeral, ao dar a coñecer as características nutricionais, de sabor e textura e formas de preparación dos produtos mariños.

Coa  visibilización das potenciais do produto, ábrese a vía para novas liñas de negocio dentro do tecido empresarial, colaboracións  intersectoriales, coñecendo casos de éxito e novos conceptos de transformación ideados a partir da calidade diferencial dos produtos frescos do día que, ate agora, só tiñan un destino, o consumo directo sen apenas innovación.