Dende o GALP A Mariña-Ortegal temos o pracer de convidarvos ao último parladoiro/xornada desta anualidade 2024, titulada  "Transformación do produto Pesqueiro e xeración de valor engadido!" que se celebrará o  vindeiro martes 10 de Decembro, en horario de 18:30 a 20:30, na Sala As Carboeiras, no Conxunto histórico de Sargacelos (Cervo):  https://concellodecervo.com/es/el-ayuntamiento/antigua-carbonera-del-con....

Nesta ocasión, a temática de referencia é a transformación dos produtos pesqueiros como ferramenta que serve para incrementar o valor engadido do produto. Expoñeranse dúas experiencias promovidas por diferentes axentes: o tecido empresarial e o sector pesqueiro. En común, teñen que a valorización se fai aproveitando a calidade e frescura de produtos, que proceden directamente das lonxas galegas.

A xornada estará estruturada do seguinte xeito:
- Presentación xeral da estratexia do GALP A Mariña-Ortegal e o programa de axudas FEMPA 2021-2027.
- Espazo de networking donde se compartan experiencias inspiradoras que sirvan de base para favorecer o xurdimento de proxectos innovadores, ligados ao desenvolvemento sostible.
- Espazo participativo, no que se fomente e apoie o xurdimento de iniciativas empresariais e sociais, a creatividade de proxectos e oportunidades de negocio, empregando o FEMPA como unha ferramenta de apoio/financiamento para o desenvolvemento local participativo.
- Degustación de produto mariñeiro.