O día 24 de abril, os alumnos e alumnas do curso de turismo mariñeiro do proxecto de cooperación entre GALPs galegos "Mar e Rías" achegáronse ata Cesantes para compartir coas mariscadoras da Confraría de pescadores "San Xoán" de Redondela a experiencia de "Amarturmar".

Nesta xornada, o alumnado puido coñecer o traballo e as artes de pesca que empregan as mariscadoras da zona. Con esta iniciativa dáselle visibilidade ao esforzo e  ao traballo na mellora e continuidade do marisqueo na zona.