ENERXÍA RENOVABLE NO MAR DE LOURIZÁN (DOTACIÓN EQUIPAMENTO FOTOVOLTAICO E OUTROS BENS DE EQUIPO

Principais obxectivos do proxecto:

Búscase que os elementos instalados na embarcación sexan alimentados con enerxías limpas e renovables, evitando na medida do posible o uso de combustibles fósiles.
O principal obxectivo do proxecto está dirixido á redución de emisións á atmosfera, a implementación de politícas de coidado do medio ambiente vinculadas ao emprego de enerxías verdes e renovables e a unha maior eficacia e eficiencia na loita contra o furtivismo

Resultados concretos previstos coa implementación do proxecto:

Redución de emisións de gases contaminantes e de efecto invernadoiro á atmosfera, a implementación de politícas de coidado do medio ambiente vinculadas ao emprego de enerxías verdes e renovables e unha maior eficacia e eficiencia na loita contra o furtivismo e seguridade na navegación. Estas melloras xerarán uns resultados que abranguerán a mellora do stock de moluscos bivalvos, motor da economía das tres confrarías de pescadores con dereito de explotación sobre o recurso marisqueiro do banco de Lourizán.
A mellora do servizo de gardería marítimo implica a diminución das accións de furtivismo, nunha porcentaxe aproximada do 50%, coa eliminación como consecuencia de canles de venda ilegais e de nulo control sanitario, económico e medioambiental.
Optimización da actividade económica do colectivo de marisqueo, como consecuencia do anterior, revertindo nunha mellora dos ingresos e do esforzo laboral, posto que a actividade furtiva carece dos controis de talla e cota

Principais actividades do proxecto:

As accións a realizar ao abeiro do presente proxecto van revertir en beneficio da Confraría de Pescadores de Lourizán e por extensión, da totalidade dos seus afiliados con especial incidencia no colectivo do marisqueo a pé, que é o maioritario na entidade. Se verán igualmente beneficiados os mariscadores a pé das confrarías de Pontevedra e Raxó, que de acordo co Plan de Xestión conxunto en vigor, posúen dereitos de traballo no ámbito dos bancos marisqueiros da Confraría. O total de entidades beneficiarias do proxecto serán tres (Confrarías de Pescadores de Lourizán, de Raxó e de Pontevedra) e 464 mariscadores a pé, de acordo cos beneficiarios do Plan Conxunto de Xestión en vigor para o trienio 2024-26
Por outra banda a cidadanía en xeral, a sociedade civil verase beneficiada coa diminución de emisións de efecto invernadoiro á atmosfera e coa mellora na seguridad e a navegación no caso de detección de calquera incidencia que puidera afectar aos usuarios do dominio público, ben sexan pescadores deportivos a pé e dende embarcación da sétima lista ou meros transeúntes que se atopen na contorna.

Formulario de busca