ESPAZO ARTÍSTICO O BICHEIRO

Principais obxectivos do proxecto:

Posta en valor do patrimonio cultural marítimo pesqueiro: no espazo estarán presentes viñetas e creacións artísticas que retratan tanto o patrimonio material como inmaterial do pobo (embarcacións tradicionais, termos linguísticos do sector mariñeiro, oficios, ...)
Contribuír a desestacionalización turística e fomento do turismo sostible a través da oferta de obradoiros e eventos culturais.
Fomentar o traballo en rede con outras entidades e colectivos, e promover a participación activa da mocidade a través da colaboración con asociacións de embarcacións tradicionais, centros educativos e outros.
Potenciar e poñer en valor a figura da muller no sector primario, con exposicións e traballos artísticos, ademais de sensibilizar en temas de igualdade coa obra gráfica.
Contribuír a sustentabilidade no ámbito pesqueiro e mariño dende o ámbito artístico, con obradoiros de aproveitamento de residuos xerados nas actividades mariñas.

Resultados concretos previstos coa implementación do proxecto:

Posta en valor do patrimonio cultural inmaterial galego vinculado ao sector marítimo pesqueiro.
Desestacionalización do turismo coa creación dun punto de interese cultural.
situar o obradoiro como motor cultural e económico contribuíndo o desenvolvemento integral de Bueu.
Dar visibilidade ás entidades coas que coopera e aos artistas locais.
Creación dun posto de traballo.

Principais actividades do proxecto:

Tenda e estudio creativo: comercialización de ilustracións en diferentes soportes, ademais de viñetas impresas destacadas polo artista ou personalizadas por encargo. Venta de caricaturas, libros, obra artística, campañas publicitarias e deseño gráfico.
Galería de arte e exposicións: espazo permanente da obra de Luis Davila e exposicións temporais de outros artistas locais, promovendo así o talento e a creatividade.
Obradoiros e eventos culturais: será un lugar onde facer charlas e obradoiros tanto para o público en xeral como no ámbito educativo (alumnos de IES, CEIP,...) ademais de presentacións de libros e encontros de diferentes artistas.

Formulario de busca