O día 16 de febreiro ás 13 horas, tivo lugar unha xornada informativa, no Fórum Carballlo (Praza dos Bombeiros Voluntarios, s/n – Carballo), organizada por ABANCA en Colaboración co Galp Costa da Morte.
Na xornada douse a coñecer as liñas de financiación de Abanca para os proxectos que opten ás axudas do Fondo Europeo Marítimo e de Pesca dentro do convenio de colaboración asinado pola entidade e o Galp Costa da Morte, que inclúe unha oferta financeira personalizada ao sector, orientada principalmente a facilitar o acceso ao crédito aos profesionais e beneficiarios das subvencións europeas.
O GALP presentou o programa de axudas do FEMP 2014-2020. O territorio do Galp Costa da Morte, que se corresponde cos concellos de A Laracha, Carballo, Malpica, Ponteceso, Cabana, Laxe, Vimianzo, Camariñas e Muxía, dispón de máis de 5 millóns de euros en axudas a fondo perdido para proxectos produtivos e non produtivos ata o ano 2020.
O prazo para presentar proxectos estará aberto ata 2020. Para a primeira convocatoria de 2017 rematará o próximo 1 de marzo.
As axudas están destinadas a: Xente do mar, empresas transformadoras de produtos pesqueiros, hostaleiros, sectores auxiliares á pesca, empresarios e entidades de actividades náuticas ou relacionas co mar, asociacións do sector pesqueiro, redeiras, etc. que presente proxectos relacionados co mar.
Liñas de actuación:
Incremento do valor engadido dos produtos da pesca, diversificación e mantemento da actividade vinculada ao mar…
Competitividade sostible e reforzamento dos elementos medioambientais e patrimoniais do noso litoral, espazos temáticos do mar...
Capacitación e ampliación das competencias dos sectores económicos e social o noso territorio…
Información no 981 70 73 78, en gac3@accioncosteira.es ou info.gac3@accioncosteira.es