O Grupo de Acción Local do sector Pesqueiro (GALP) Costa da Morte informa que, o venres 21 de febreiro de 2025, saíu publicada no DOG NÚM. 36 a ORDE do 12 de febreiro de 2025 pola que se establecen as bases reguladoras para a concesión de axudas para proxectos ao abeiro das estratexias de desenvolvemento local participativo (EDLP), aprobadas aos grupos de acción local do sector pesqueiro (GALP) no marco do Fondo Europeo Marítimo, de Pesca e de Acuicultura 2021-2027, e se convocan as correspondentes ao ano 2025 (código de procedemento PE155A).

As axudas están destinadas a xente do mar, empresas transformadoras de produtos pesqueiros, hostaleiros, sectores auxiliares á pesca, asociacións do sector pesqueiro, redeiras, e toda persoa física ou empresa que presente proxectos relacionados co mar.

O territorio de actuación do GALP Costa da Morte comprende os concellos de Cabana de Bergantiños, Camariñas, Carballo, A Laracha, Laxe, Malpica, Muxía, Ponteceso e Vimianzo.

Os promotores disporán ata o 21 de marzo, para a presentación telemática de solicitude de axuda. (Código de procedemento PE155A: https://sede.xunta.gal/detalle-procedemento?codtram=PE155A).

Para mais información pode poñerse en contacto a través do teléfono 981707378 ou o correo: galp.mar.costadamorte@xunta.gal.

Estamos a súa disposición na oficina sita no Edificio do Centro Comarcal de Bergantiños, Buño, Malpica de Bergantiños, de luns a venres de 8:30 a 15:00horas.

Enlace á Orde de Axudas:

Orde do DOG nº 36 do 2025/2/21 - Xunta de Galicia