O proxecto do Club de Vela Alamar Sada ten como finalidade mellorar as actuais instalacións da entidade mediante a adquisición e instalación de catro CUBBOX que se utilizarán como vestiarios e aula. A actuación permitirá substituír os espazos provisionais de madeira e lona que actualmente utiliza o club por unhas instalacións máis seguras, illadas e adecuadas para o desenvolvemento das súas actividades durante todo o ano.

A mellora permitirá dispoñer de vestiarios protexidos do frío e da choiva, así como dun espazo acondicionado para desenvolver clases teóricas, charlas e outras actividades formativas. Deste xeito, o club poderá mellorar as condicións dos seus cursos e adestramentos e ampliar a súa oferta de actividades náuticas, favorecendo o acceso á vela e a outros deportes relacionados co mar.

O proxecto contribuirá tamén a reforzar a función social e educativa do Club de Vela Alamar, promovendo o deporte como ferramenta de transmisión de valores, integración social e coñecemento do patrimonio marítimo e natural da ría de Betanzos. A mellora das instalacións facilitará ademais a colaboración con colexios, asociacións, empresas e colectivos sociais, contribuíndo á diversificación e desestacionalización do turismo náutico no territorio.