O Club de Vela Alamar, activo desde 2016 e cunha base de máis de 50 socios e preto
de 400 rapaces que participan nos cursos de verán, busca mellorar as súas precarias
instalacións mediante a adquisición de catro “CUBBOX” que servirán como vestiarios
e aula. Actualmente, as actividades desenvolvense nunha antiga estendería de motos
de auga adaptada con madeiras e lonas, sen illamento, o que dificulta o
desenvolvemento de clases e adestramentos durante o inverno. Os novos espazos
permitirán ofrecer vestiarios dignos, aulas secas e illadas, e a posibilidade de ampliar
os módulos segundo sexa necesario, mellorando a funcionalidade, a seguridade e a
imaxe do club.
O proxecto contribúe á promoción do deporte da vela como escola de vida,
fomentando valores como a cooperación, o esforzo, o traballo en equipo e o
respecto polo medio mariño. Tamén promove a integración social e a inclusión,
permitindo a participación de nenos e nenas de colexios públicos e familias en risco
de exclusión social. A iniciativa permitirá ampliar a oferta de cursos e actividades
náuticas, como pádel surf e kayak, poñendo en valor a ría de Betanzos e a cultura
mariñeira da zona, así como desestacionalizar o turismo mediante eventos e regatas
abertas a visitantes e colectivos externos.
En definitiva, a instalación dos “CUBBOX” mellorará as condicións dos socios e
visitantes, optimizará o aproveitamento do espazo, permitirá ampliar a oferta
educativa e deportiva, e reforzará a imaxe do Club Alamar como espazo inclusivo,
sostible e vinculado á cultura mariñeira e á educación ambiental.