Con este proxecto mellórase a capacidade loxística e comercial, mellorando a prestación de servizos aos socios/as desta Confraría. Isto favorece un aumento dos ingresos e suporá unha mellora na calidade de vida, saúde e conciliación familiar.
A implementación do uso das enerxías renovables coa adquisición dun vehículo eléctrico diminuirá as emisión de CO2 mitigando os efectos do cambio climático.
Coa introdución de tecnoloxías dixitais melloraranse as actividades de xestión coma o sistema de rastrexabilidade do produto marisqueiro e a xeración de documentación necesaria na venta do produto.

Cos tarefas de divulgación promóvese unha economía azul e circular:

- Actividade cultural e de difusión para o fomento das prácticas responsables e coidado do medio mariño para promover actividades de mitigacións dos efectos do cambio climático e a súa repercusión no territorio.
- Posta en valor do marisqueo como oficio tradicional. Auméntase a implicación e sensibilización da poboación sobre a importancia do patrimonio cultural material e inmaterial que implica o marisqueo, para garantir un maior coñecemento por parte da cidadanía. Desta maneira foméntase o benestar social.
- Posta en valor dos produtos do marisqueo que comercializa a Confraría de Pescadores "San Martín" de Moaña. Orientación dos consumidores cara un consumo consciente e sostible.
- As medidas de divulgación pretenden contribuír ao intercambio de coñecementos e experiencias, para reforzar a conexión coa mocidade como potencial foco de emprego no sector, resultando máis atractivo para eles e promovendo así o relevo xeracional.