Este proxecto busca o fomento do benestar na comunidade, as sinerxias entre sector diferentes pero sempre co sector pesqueiro como fío conductor e motor social; é unha iniciativa baseada nos seguintes eixos: coñecemento e conservación do patrimonio medio ambiental; fomento dos produtos pesqueiros como alimento saudable; conservación dos recursos pesqueiros e da biodiversidade e inclusión e cohesión social.

Levaránse a cabo diversas actividades coas que pretenden achegar o sector pesqueiro ao eido da saúde mental (coñecer o patrimonio natural do territorio, como adquirir hábitos sociais para coidar o medio e os seus recursos; alimentación saudable a través dos produtos pesqueiros, recuperación de receitas, coñecer novas receitas con produtos en desuso, con descartes ou con novos produtos como as algas...) , así como crearanse contidos de divulgación con información relativa a prácticas ilegais como o furtivismo, produtos pesqueiros e a importancia de conservar a biodiversidade, e como reducir a pegada ambiental cando se fai unha compra (envases, etiquetados...)