O proxecto Dieta Ártabra e froito dun Plan Estratéxico de Turismo Gastronómico, sostible e saudable que pretende converter a Ferrol nunha cidade turística gastronómica. Ferrol representa un elevado número de consumidores potenciais en relación cos produtos pesqueiros, o peixe e o marisco forman parte dos patróns alimentarios deste concello, sendo motivo da boa alimentación da poboación. Dende o Concello de Ferrol consideran oportuno unha estratexia alimentaria de potenciación dos produtos pesqueiros a través da Dieta Ártabra que redundará na boa saúde da poboación e no incremento do emprego no sector.

Desta revalorización e exaltación dos produtos pesqueiros e marisqueiros da ría de Ferrol, beneficiaranse distintos sectores económicos. Por un lado, o sector da pesca para continuar mantendo as tradicións mariñeiras, así como, para dignificar as actividades do mar e dos seus profesionais, e por outro lado, o sector da hostalería e da restauración pola afluencia de turistas que visitarían Ferrol para consumir estes produtos.