A Confraría de Pescadores de Barallobre con este proxecto quere poñer en valor os 100 anos de actividade e historia da Confraría, así como dar un maior recoñecemento do seu papel como entidade dinamizadora da zona costeira no ámbito social, económico, medio ambiental e cultural, e impulsora de medidas desde o sector pesqueiro cara a veciñanza e poñendo en valor os recursos do mar. 

Os días 17 e 18 de agosto, no Porto de Barallobre (Concello de Fene), celebraran un evento gastronómico para conmemorar o centenario dirixido ao público en xeral, no que darán a coñecer o seu produto e a confraría. Tamén se levarán a cabo durante os dous dias showcookings impartidos por cociñeir@s locais e degustacións de produto. 

Organizárase un dos días unha charla sobre a historia da Confraría, na que participarán antigos membros do pósito que contaran aos asistentes os cambios producidos dende os inicios da confraria, e como non, a súa propia experiencia como membros da entidade.

Con esta actividade queren dar unha imaxe de calidade, de valor do produto, dar a coñecer a forma de extracción e o modo artesanal da mesma, e tamén dar maior valor engadido a todos os socios e socias da Confraría, facendo especial fincapé nos 100 de anos de traballo na extracción de moluscos, un dos motores económicos desta contorna e fonte de emprego na economía social.